61. Second Epistle to J. Lapraik by Robert Burns WHILE new-ca’d kye rowte at the stake An’ pownies reek in pleugh or braik, This hour on e’enin’s edge I take, To own I’m debtor To honest-hearted, auld Lapraik, For his kind letter 

61. Second Epistle to J. Lapraik by Robert Burns
WHILE new-ca’d kye rowte at the stake
An’ pownies reek in pleugh or braik,
This hour on e’enin’s edge I take,
To own I’m debtor
To honest-hearted, auld Lapraik,
For his kind letter.

Forjesket sair, with weary legs,
Rattlin the corn out-owre the rigs,
Or dealing thro’ amang the naigs
Their ten-hours’ bite,
My awkart Muse sair pleads and begs
I would na write.

The tapetless, ramfeezl’d hizzie,
She’s saft at best an’ something lazy:
Quo’ she, “Ye ken we’ve been sae busy
This month an’ mair,
That trowth, my head is grown right dizzie,
An’ something sair.â€

Her dowff excuses pat me mad;
“Conscience,†says I, “ye thowless jade!
I’ll write, an’ that a hearty blaud,
This vera night;
So dinna ye affront your trade,
But rhyme it right.

“Shall bauld Lapraik, the king o’ hearts,
Tho’ mankind were a pack o’ cartes,
Roose you sae weel for your deserts,
In terms sae friendly;
Yet ye’ll neglect to shaw your parts
An’ thank him kindly?â€

Sae I gat paper in a blink,
An’ down gaed stumpie in the ink:
Quoth I, “Before I sleep a wink,
I vow I’ll close it;
An’ if ye winna mak it clink,
By Jove, I’ll prose it!â€

Sae I’ve begun to scrawl, but whether
In rhyme, or prose, or baith thegither;
Or some hotch-potch that’s rightly neither,
Let time mak proof;
But I shall scribble down some blether
Just clean aff-loof.

My worthy friend, ne’er grudge an’ carp,
Tho’ fortune use you hard an’ sharp;
Come, kittle up your moorland harp
Wi’ gleesome touch!
Ne’er mind how Fortune waft and warp;
She’s but a bitch.

She ’s gien me mony a jirt an’ fleg,
Sin’ I could striddle owre a rig;
But, by the L—d, tho’ I should beg
Wi’ lyart pow,
I’ll laugh an’ sing, an’ shake my leg,
As lang’s I dow!

Now comes the sax-an’-twentieth simmer
I’ve seen the bud upon the timmer,
Still persecuted by the limmer
Frae year to year;
But yet, despite the kittle kimmer,
I, Rob, am here.

Do ye envy the city gent,
Behint a kist to lie an’ sklent;
Or pursue-proud, big wi’ cent. per cent.
An’ muckle wame,
In some bit brugh to represent
A bailie’s name?

Or is’t the paughty, feudal thane,
Wi’ ruffl’d sark an’ glancing cane,
Wha thinks himsel nae sheep-shank bane,
But lordly stalks;
While caps and bonnets aff are taen,
As by he walks?

“O Thou wha gies us each guid gift!
Gie me o’ wit an’ sense a lift,
Then turn me, if thou please, adrift,
Thro’ Scotland wide;
Wi’ cits nor lairds I wadna shift,
In a’ their pride!â€

Were this the charter of our state,
“On pain o’ hell be rich an’ great,â€
Damnation then would be our fate,
Beyond remead;
But, thanks to heaven, that’s no the gate
We learn our creed.

For thus the royal mandate ran,
When first the human race began;
“The social, friendly, honest man,
Whate’er he be—
’Tis he fulfils great Nature’s plan,
And none but he.â€

O mandate glorious and divine!
The ragged followers o’ the Nine,
Poor, thoughtless devils! yet may shine
In glorious light,
While sordid sons o’ Mammon’s line
Are dark as night!

Tho’ here they scrape, an’ squeeze, an’ growl,
Their worthless nievefu’ of a soul
May in some future carcase howl,
The forest’s fright;
Or in some day-detesting owl
May shun the light.

Then may Lapraik and Burns arise,
To reach their native, kindred skies,
And sing their pleasures, hopes an’ joys,
In some mild sphere;
Still closer knit in friendship’s ties,
Each passing year!

--
*Check out *"7th HEAVEN ILLUSTRATED*" A daily 7 photo pic story **A
picture is a poem without words.*

Every day we should hear at least one little song, read one good poem, see
one exquisite picture, and, if possible, speak a few sensible words.

A man may die, nations may rise and fall,but an idea lives on. Ideas have
endurance without death. Fact don't cease to exist even when you IGNORE IT.

Read it with sorrow and you will feel hate.
Read it with anger and you will feel vengeful.
Read it with paranoia and you will feel confusion.
Read it with empathy and you will feel compassion.
Read it with love and you will feel flattery.
Read it with hope and you will feel positive.
Read it with humor and you will feel joy.
Read it with God and you will feel the truth.
Read it without bias and you will feel peace.
Don't read it at all and you will not feel a thing.”
Arunoday Kar
7thhaven.in <https://samrat747.blogspot.in/>

Advertise with us make profit
http://samrat747.webs.com/advertisment.htm

Reg in my site7thhaven.in <https://samrat747.blogspot.in/> use it as lucky
charm in all your
email jobs ,observe weekly wisdom, for the best and the safe experience of
journey of life , feel the difference.
The kingdom of 7thhaven.in <https://samrat747.blogspot.in/> on earth
mention theory and practice paypal.me/7thhavenonearth
Like to buy book on it get it here
https://www.createspace.com/3843081 TRUISM
https://www.createspace.com/3844060 charm
Buy everyday 7th heaven products and feel blissful

https://shop.spreadshirt.com/7thheaven/

THE CURE FOR BOREDOM IS CURIOSITY. THERE IS NO CURE FOR CURIOSITY.

Cafe Coffee Day's first TV Commercial "Sit Down".:
http://youtu.be/G6BF4KLl2hQ via @YouTube.